SERÁ O 3 DE NOVEMBRO E DIRIXIRASE EXCLUSIVAMENTE A PROFESIONAIS VENCELLADOS AOS SECTORES DA HOSTALERÍA, CARNICERÍA, VENTA DELICATESSEN, TURISMO E PRENSA TÉCNICA
O vindeiro 3 de novembro a Feira Internacional de Galicia levará a cabo xunto coa Consellería do Medio Rural, a través da Dirección Xeral de Produción Agropecuaria, un evento protagonizado polos produtos alimentarios derivados das razas autóctonas de Galicia en perigo de extinción.
Cunha orientación exclusivamente profesional e alto compoñente técnico, terá un aforo limitado e soamente dará cabida a persoas vencellas aos sectores da hostalería, carnicería, venta delicatessen, turismo e prensa técnica.
Este evento, celebrado por primeira vez, acollerá unha presentación destas razas galegas en risco de desaparición, na cal un técnico da Federación de Razas Autóctonas de Galicia (Boaga) expoñerá minuciosamente as cualidades e as características das mesmas. Por outra banda, contará con varias xornadas técnicas sobre diversos aspectos tanto destes animais como dos alimentos derivados dos mesmos conducidas polo Centro Tecnolóxico da Carne.
Unha parte importante do seu programa serán as preparacións e degustacións de pratos elaborados cos productos gastronómicos xerados por estas razas, as cales serán a cargo de profesionais da hostalería.
Por outra banda, o acto contará cunha exposición paralela de varios exemplares das razas autóctonas de Galicia en perigo de extinción, as bovinas Cachena, Caldelá, Frieresa, Limiá e Vianesa, o Porco Celta, a Galiña de Mos, a Cabra e Ovella Galegas e o Cabalo de Pura Raza Galega.
Boaga, Asoporcel (Asociación de Criadores de Ganado Porcino Celta) e Puraga (Asociación de Criadores de Cabalo de Pura Raza Galega) son as entidades que colaboran na organización do evento, o cal contará co apoio dos fondos Feader para a o seu desenvolvemento.
+ info:
