Os asistentes, a espera de confirmación definitiva, barallaron como data máis probable para a súa celebración do 8 ao 10 de marzo de 2012

• PARTICIPARON REPRESENTANTES DE MOITOS DOS COLECTIVOS E EMPRESAS MÁIS IMPORTANTES DO SECTOR AGROGANDEIRO
• O CERTAME, QUE NA PASADA CONVOCATORIA REUNIU A 220 FIRMAS EXPOSITORAS E REXISTROU MÁIS DE 11.000 VISITANTES, É O ÚNICO DO NOROESTE PENINSULAR ESPECIALIZADO EN GANDERÍA E AGRICULTURA

Silleda, 14 de abril de 2011.- O Comité de GandAgro 2012, II Monográfico da Gandería e a Agricultura, celebrou onte á tarde nas instalacións da Feira Internacional de Galicia a súa primeira reunión co obxectivo de iniciar a organización deste certame bienal, o único do noroeste peninsular especializado en ganadería e agricultura.

Ao encontro asistiron o presidente e a xerente da ADS de Porcino de Silleda, o presidente da Federación Galega de Porcino (Fegapor), o xerente da Asociación Galega de Fabricantes de Pensos (Agafac) e o xerente de Cogal. Tamén acudiron representantes das empresas Mapfre Agropecuaria, Delaval Equipos, Elmega, Farm Technologies Ibérica e Ofrideza/Lely e, como novas incorporacións ao comité, estiveron presentes portavoces de Rosber, Nudesa, Delagro, Pig España, Avícola de Galicia e Agroamb Prodalt. Algúns membros do comité excusaron a súa ausencia ante a imposibilidade de acudir.

Por parte da Feira Internacional de Galicia participaron varias personas da organización, encabezados pola directora xeral.

Esta asistencia reflexa o respaldo dos máximos expoñentes do mundo agrogandeiro á organización da segunda edición deste monográfico, o cal na pasada edición (do 11 ao 13 de marzo de 2010) reuniu a 220 firmas expositoras de 12 países e rexistrou 11.478 visitantes (sendo o 95% deles profesionais da gandería e a agricultura).

Do 8 ao 10 de marzo, data probable

No transcurso da reunión analizáronse os resultados da edición de 2010, os cales foron calificados como positivos polo comité, que tamén felicitou á organización polo carácter profesional da feira, calificándoo como fundamental e como un logro. Así mesmo, revisáronse e aprobáronse as novas incorporacións ao comité e presentouse o proxecto para GandAgro 2012. Dentro deste último, un dos asuntos que centrou o encontro foi a data para a súa celebración, barallándose como probable a do 8 ao 10 de marzo.

Proximamente confirmarase a data e iniciaranse a promoción do certame entre os potenciales expositores do mesmo.